ڕێپێوانەکە لە لایەن فیدراسیۆنی کۆمەڵگای کوردستان کاتژمێر ١١:٠٠ لە Esslîngen Bahnhoff دەستپێکرا.

ژمارەیەکی زۆر کوردستانیان و دۆستەکانیان بەشداریان لە ڕێپێوانی شەرمەزارکردنی پیلانگێڕی ١٥ شوبات بەرامبەر عەبدوڵلا ئۆجالان رێبەری گەلی کورد کرد.

کوردستانیان و دۆستەکانیان لە Esslîngen Bahnhoff کۆبوونەوە و کۆنفڕانسی ڕۆژنامەنووسی ئەنجامدرا. لە ڕاگەیەنراوەکاندا باسی ئەوەکرا، پیلانگێڕی نێودەوڵەتی ١٥ی شوبات تا ئێستا بەردەوامە و لەدژی گۆشەگیری ٢٠ ساڵی ڕابردووی ئیمڕالی بانگەوازی هەڵوێستوەرگرتن کرا.

ئاماژە بەوەکرا، گۆشەگیری تاوانێکی مرۆڤایەتیە. دەوڵەتی تورک لە کەسایەتی ڕێبەری گەلی کورد عەبدوڵلا ئۆجالاندا بناغەی سیاسەتی دیموکراتی دەکاتە ئامانج و کۆمەڵگا بەرەو تاریکیەک دەبات کە ژیان تێیایدا زەحمەتە و ئەوەیان خستەڕوو، هۆکاری کۆبوونەوەیان شەرمەزارکردنی پیلانگێڕێ ١٥ی شوباتە کە ٢٠ ساڵە بەرامبەر ڕێبەر ئۆجالان بەڕێوەدەبرێت.

ڕێپێوانی ئەمڕۆ لە Bad Cannstatt Bahnhoff کۆتایی دێت. ڕۆژی شەممە کاتژمێر ١٢:٠٠ لە Bad Cannstatt Bahnhoff دەستپێدەکرێت و لە شتوتگارت کۆتایی دێت.

ف.ق