دەوڵەتى تورک لە پاریس ئیدانەکرا
دەستبەسەرداگرتنی شارەوانییەکانى هەدەپە، هێرشە داگیرکەرییەکان و هێرش بۆ سەر گۆڕستانەکان لەلایەن رژێمی ئاکەپە – مەهەپەەوە لە پاریس ئیدانە کران.
دەستبەسەرداگرتنی شارەوانییەکانى هەدەپە، هێرشە داگیرکەرییەکان و هێرش بۆ سەر گۆڕستانەکان لەلایەن رژێمی ئاکەپە – مەهەپەەوە لە پاریس ئیدانە کران.
چالاکوانانی بزووتنەوەى گەنجانى شۆڕشگێڕ و ژنانی گەنجی ئازاد لە شاری پاریسی پایتەختى فەرەنسا کۆبوونەوە و دەستبەسەرداگرتنی شارەوانییەکانى هەدەپە، هێرشە داگیرکەرییەکان و هێرش بۆ سەر گۆڕستانەکان لەلایەن رژێمی ئاکەپە – مەهەپەوە ئیدانە کرد.
گەنجان لە وێستگەى میترۆی چاتیلیت تاوەکو وێستەگەى نونۆرد لە ناو میترۆدا لەبارەى دۆخی ئەمدواییەى تورکیا و کوردستانەوە زانیارییان بە هاووڵاتییان دا.
گەنجانی کورد کردەوە فاشیستییەکانى دەوڵەتى تورکیان ریسوا کرد و لەسەر پۆستەرێک نووسیبویان "تیرۆریست تورکیا" و گەنجان راگەیاندراویان بەسەر هاووڵاتییان لە ناو میترۆکەدا بڵاوکردەوە.
چالاکییەکە بە وتنەوەى دروشمی "بژی سەرۆک ئاپۆ" کۆتایی پێهات.
ژ.ت