عەمار حەکیم لە ڕاگەیەندراوێکدا دەربارەی بۆمبارانکردنی کەمپی مەخمور لە لەلایەن فڕۆکە جەنگییەکانی تورکیاوە ئاماژەی بەوەکرد: "لە ژێر هەر ناونیشانێک بێت نابێت پاساو بۆ ئەو سنووربەزاندنە بهێنینەوە، کە هەڕەشەیە بۆ سەروەریی عێڕاق".

 هەروەها لە ڕاگەیەندراوەکەدا وەک پرسیار ئاماژەی پێدەکات و دەڵێت: "ئەمە چۆن ڕون بکەینەوە کە فڕۆکەیەکی نەناسراو کەمپی ئاوارەکان بکاتە ئامانج لە باکوری خۆشەویست".

عەمار حەکیم ئەو هێرشە یەک لە دوای یەکانەی شەرمەزار کرد و بە سنوربەزاندن ناوی برد و وتی: "ئەو سنووربەزاندنە، کە بە بەردەوامی لە هەمو لایەکەوە هەر ماوەیەک جارێک دوبارە دەبێتەوە، دەبێت حکومەتی عیڕاق بەرپرسیارێتیی هەڵگرێت و وەڵامی ئەو دەستدرێژییانە بداتەوە".

ژ.ت