لە ئەسینا رێپێوان لە دژی نەژادپەرەستی ئەنجامدرا
لە شاری ئەسینای پایتەختی یونان لە دژی نەژادپەرەستی رێپێوانێک ئەنجامدرا.
لە شاری ئەسینای پایتەختی یونان لە دژی نەژادپەرەستی رێپێوانێک ئەنجامدرا.
بۆ یادکردنەوەى جۆرج فلۆید، کە لە هێرشێکى نەژادپەرەستانەدا لە ئەمریکا لەلایەن پۆلیسەوە کوژرابوو و هەروەها بۆ پاراستنی برایەتیى گەلان، هەزاران کەس لە گۆڕەپانی سینتاگمای شاری ئەسینای پایتەختی یونان کۆبوونەوە و پۆستەریان بە زمانەکانى یونانی، کوردی، تورکی و ئینگلیزی و وێنەکانى جۆرج فلۆید و وێنەکانى ئەو کەسانەى لە کوردستان کوژراون بەرزکردەوە و دەستیان بە رێپێوانەکەیان کرد.
جگە لە رێکخراوە چەپەکان، سۆسیالیست و ئەنارشیستەکان، یەکێتیی چالاکییەکانى یونان تورکیا – کوردستان، کە پێکهاتوون لە (پەکەکە، مەلەکەپە، دەکەپە/بۆگ، مەکەپە، تەکەپە-مەل) بە پۆستەر و پانکارتەوە بەشداری رێپێوانەکە بوون.
لە چالاکییەکەدا دروشمەکانى 'بژی برایەتیی گەلان' و 'ئەردۆغانى بکوژ، ترامپی بکوژ' وترانەوە.
دوای ماوەیەک پۆلیس بە بۆمبی فرمێسکڕێژ هێرشی کردە سەر جەماوەری خۆپیشاندەر و جەماوەریش بە بۆمبی دەنگی و کۆکتێل مۆلۆتۆف وەڵامی هێرشی پۆلیسەکانیان دایەوە.
پێکهەڵپژانی نێوان جەماوەر و پۆلیس لە بەردەم باڵیۆزخانەى ئەمریکا لە ئەسینا دەستپێکرد و تاوەکو گەڕەکی ئەخارکیا بەردەوامیی هەبوو.
ژ.ت