هەدەپە: کرێکارەکەی دیلۆک بەهۆی سیاسەتی دەسەڵاتەوە گیانی لەدەستدا
هەدەپە ڕایگەیاند، بەرپرسیاری مردنی کرێکارەکەی دیلۆک بەهۆی ڤایرۆسی کۆرۆناوە، دەسەڵاتی ئاکەپە/مەهەپەیە.
شازیە کۆچ یاریدەدەری هاوسەرۆکی هەدەپە لەبارەی مردنی کرێکارێک بە ناوی ئوغور کارتال لە دیلۆک بەهۆی ڤایرۆسی کۆرۆناوە، ڕاگەیەنراوێکی بڵاوکردەوە.
لە ڕاگەیەنراوەکەدا ئاماژە بەوەکرا، هەڤاڵێکی کرێکارمان کە لە کارگەی پێلاوی ئاکنئالبەلا کاری دەکرد بەهۆی ڤایرۆسی کۆرۆناوە گیانی لەدەستداوە.
باسی ئەوەشکرا، دەسەڵاتی ئاکەپە کە لەجیاتی توندروستی هاوڵاتیان بپارێزێت، بیر لە ئابوری دەکاتەوە و سێکتەرەکان هان دەدات کە بەردەوام بن و کارکردن بەردەوامە. دەسەڵات لەم دۆخە نائاساییەدا بە کارکردن یان لە ماڵەوە کرێکاران دەکوژێت.
لە ڕاگەیەنراوەکەدا ئاماژە بەوەدەدرێت، مرۆڤەکان بۆ ئەوەی پێڵاو دروست بکەن گیانیان لەدەستدەدەن. بەهۆی سەپاندنی کارکردن ئۆغور کارتالی ٢٧ ساڵان گیانی لەدەستدا. پێویستە لەو سێکتەرانەی کە کۆمەڵگا پێویستیەکی زۆری پێنییە و کارکردن ڕابگیرێت و مووچە بە کرێکاران بدرێت.
ف.ق
