لە لایەن ئەنجومەنی ژنانی ئامارا لە شاری فرانکفۆرتی ئەڵمانیا گردبونەوەیەک ڕێکخرا. لە گردبونەوەکەدا، بەکارهێنانی چەکی کیمیایی لەلایەن خۆبەڕێوەبەریی فاشیستیی ئاکەپە – مەهەپە ئیدانە کرا، کە بە ئامانجی لە ناوبردنی شەڕڤانانی ئازادی کوردستان بەکاری دەهێنێت.

چالاکوانان لە کاتژمێر ١٦:٠٠ دا لە ناوەندی شاری فرانکفۆرت کۆبوونەوە و بە لەبەرکردنی جل و بەرگی تایبەت و ماسک و بەرزکردنەوەى وێنە بە شێوەیەکی ڕەمزی سەرنجیان خستە سەر تاوانە دژ بە مرۆڤایەتییەکانی دەوڵەتى تورکی داگیرکەر.

لەو راگەیاندراوانەدا، کە خوێندرانەوە و بەسەر هاووڵاتییاندا دابەشکران، هاتووە، بەکارهێنانی چەکی کیمیایی تاوانی دژ بە مرۆڤایەتییە و جەخت لەوە کراوەتەوە، کە دەیانەوێت کورد تووشی کۆمەڵکوژییەکی سەرتاسەری بکەنەوە و جۆگرافیا و خاکی کوردستان کاول بکەن.

هەروەها لە چالاکیەکەدا ئاماژە بە هێرشەکانی سەر تێکۆشانی ژنانی ئازادی کورد کرا و دروشمەکانی "بکوژ ئەردۆغان"، "بژی پشتیوانیی نێونەتەوەیی" و "داگیرکەران کوردستان چۆڵ بکەن" دەوترانەوە.

ژ.ت