کۆمیتەى ٨ی ئادار، کە لە بزووتنەوەى ژنانی کورد لە هۆڵەندا (تەژەکە هۆڵەندا)، ئەنجوومەنی نێونەتەوەیی ژنانی ئازاد، رۆد مۆرگین، سەکەبە، ژنانی ئێران، پلاتفۆرمی ژنانی جیهان و چەندین رێکخراوی تر پێکدێت، لە گۆڕەپانی میسیوم پلاین لە ئامستردامی هۆڵەندا چالاکییەکیان بەڕێوەبرد.

ژنانی گەلانی جیاجیا بەشداری ئاهەنگی پیرۆزباییەکە بوون و هەر رێکخراوێک پەیامی خۆی بڵاوکردەوە.

تەژەکە هۆڵەندا لەسەر تەختەى چالاکییەکە پۆستەرێک، کە لەسەری نووسرابوو "١٠٠ هۆکار و ١٠٠ هەزار ئیمزا بۆ دادگایکردنی دیکتاتۆر" بەرزکردەوە و راگەیاندراوی خۆیان خوێندەوە.

لە کۆتایی راگەیاندراوکەدا داواکراوە، بۆ بەدیهێنان و بونیاتنانی کۆنفیدراڵیزمی دیموکراتیک تێکۆشان بەهێزتر بکرێت.

ژ.ت