ژن نیوز: بەلایەنی کەمەوە ٣٧ ژن لە مانگی حوزەیراندا کوژراون
ئاژانسی هەواڵی ژن (ژن نیوز) ڕایگەیاند بە هۆی توندوتیژی پیاوانەوە بۆ سەر ژنان، لە مانگی حوزەیراندا بەلایەنی کەمەوە ٣٧ ژن گیانیان لەدەستداوە. ٧ ژنیش بەشێوەیەکی گوماناوی گیانیان لەدەستداوە.
بە گوێرەی زانیارییەکانی ژن نیوز لە مانگی حوزەیراندا ٣٧ ژن و ١٠ منداڵ کوژراون و ٧ ژن و ٢ منداڵیش بە شێوەیەکی گوماناوی گیانیان لەدەستداوە.
لە هەواڵەکەدا ژمارەی کوژراوەکان لە سەرانسەری شارەکانی تورکیادا دیاریکراوە و زۆرینەی کوژراوەکان لە شارەکانی باکووری کوردستانن.
هەروەها ئاماژە بەوەکراوە زۆرینەی ژنە کوژراوەکان لە لایەن هاوژینەکانیانەوە کوژراون کە ژمارەیان ١٦ ژن.
