ئامادەکارییەکان بەردەوامە بۆ ١١هەمین فیستیڤاڵی ژنانی ساکینە جانسز کە ڕۆژی یەکشەممە لە شاری زیورخی سویسرا ئەنجام دەدرێت. نزیکەی ٣٠ ڕێکخرا و دەستپێشخەری ژنان کاروبارەکانی فیستیڤاڵەکە بەڕێوەدەبن. هەرەوەها جڤاکی دیموکراتیکی کوردی لە سویسرا (جەدەکە-سویسرا) و یەکێتی ژنانی کوردی سویسرا (یەژەکە-سویسرا) بۆ فیستیڤاڵەکە سەفەربوون. هەموو ئامادەکارییە تەکنیکیەکان کراون بۆ فیستیڤاڵە. لە هەموو شارەکانی سویسرا کاروبارەکان بۆ ئەنجامدانی فیستیڤاڵە بەردەوامە.

هاسەرۆکی جەدەکە-سویسرا، دیلان چەتینکایە لەسەر ئەم بابەتە بۆ ئاژانسمان قسەیکرد و ئاماژەی بەوەدا هەموو ئامادەکارییەکان بۆ فیستیڤاڵەکە کراون و وتی: "وەک ژنانی کورد لە سویسرا ماڵ بە ماڵ لە دەرگای ماڵی ژنانی کوردستانی و دۆستەکانیان دەدەین و باسی فیستیڤاڵەکەیان بۆ دەکەین، هەروەها بە دانانی ستاند و بڵاوکراوە دەربارەی فیستیڤاڵەکە هەوڵی ناساندنی فیستیڤاڵەکە دەدەین، بۆ ئەوەی بەشدارییەکەی بەهێزی تێدابکرێت."

هەروەها دیلان ئاماژەی بەوەدا ژنان پێشەنگایەتی فیستڤاڵەکە دەکەن و لە ٣٠ی حوزەیرانشدا لە چاوەڕانی گەلەکەمان دەبین بۆ هاتنە فیستیڤاڵەکە، بە خواردن و جلەبەرگی کوردی خۆمانەوە لە فیستیڤاڵەکەدا ئامادە دەبین.

ئامادەکارییەکان بۆ فیستیڤاڵەکە لە هەموو جێگەیەکی سویسرادا بەردەوامە

چالاکوانی یەژەکە-سویسرا، خەدیجە کاندال سەرەنجی خستە سەر ئامادەکارییەکان بۆ فیستیڤاڵەکە و وتی: "لەهەموو جێگایەک ئۆتۆمبێلێ گواستنەوە ئامادە کراوە. ڕۆژی یەکشەممە لەگەڵ گەلەکەماندا لە فیستیڤاڵەکەدا ئامادە دەبین."

ئەندامی ئەنجومەنی ژنانی لاژین لە لۆزان، بەهار یەشیلیورت ئاماژەی بەوەدا سەردانی کامپەکانی پەنابەرانیان کردووە و ژنانیان لە فیستیڤاڵەکە ئاگادارکردووەتەوە.