سه‌ردانه‌كان به‌مه‌به‌ستی پشتگیری كردن له‌ چالاكییه‌كه‌ی له‌یلا گیوڤه‌ن په‌رله‌مانتاری پارتیی دیموكراتیی گه‌لان (هه‌ده‌په‌) و هاوسه‌رۆكی كۆنگره‌ی كۆمه‌ڵگه‌ی دیموكراتی (كه‌جه‌ده‌) به‌رده‌وامن. ئه‌مڕۆ كۆمه‌ڵێك له‌ ژنانی هونه‌رمه‌ند سه‌ردانی له‌یلا گیوڤه‌نیان كرد له‌ ماڵه‌كه‌ی. له‌ میانه‌ی سه‌ردانه‌كه‌دا هونه‌رمه‌ندانی گۆرانیبێژ مزگین تاهیر و ئۆزله‌م گه‌رچه‌ك گۆرانییان بۆ له‌یلا گیوڤه‌ن گوت. هه‌روه‌ها گفتوگۆیان له‌گه‌ڵ گیوڤه‌ن كرد.

هونه‌رمه‌ند مزگین تاهیر ڕایگه‌یاند، له‌یلا گیوڤه‌ن پێشه‌نگایه‌تیی تێكۆشینی ژنان ده‌كات و ژنان هێز له‌ له‌یلا گیوڤه‌ن وه‌رده‌گرن. هه‌روه‌ها گوتی، «ئه‌م به‌رخۆدانه‌، به‌رخۆدانێكی ڕوونه‌. به‌و هۆیه‌وه‌ پیرۆزبایی له‌ له‌یلا گیوڤه‌ن ده‌كه‌ین و له‌ به‌رانبه‌ر چالاكییه‌كه‌یدا سه‌ری خۆمان داده‌نه‌وێنین. به‌رخۆدانی ئه‌و، به‌رخۆدانی ئێمه‌شه‌.»

s.m