کوردستان ووچ (رێکخراوی چاودێری مافەکانی مرۆڤی باشوری کوردستان) رایگەیاند، بێریڤان ئەیوب کە لە لایەن پەدەکەوە دەستگیرکراوە، ١٣ رۆژە دەستی بە چالاکی مانگرتن لە خواردن کردووە و دۆخی تەندروستی ناجێگیرە.
بێریڤان ئەیوب خەڵکی دهۆکە. ١٣ی تشرینی یەکەمی ساڵی رابردوو لەلایەن پەدەکەوە دەستگیرکرابوو.
بێریڤان ئەیوب لەو کاتەوە لە زینداندایە و تاوەکو ئێستا دادگایی نەکراوە. پەدەکە پێی وتووە، پەیوەندی بە پەکەکەوە هەیە.
بەهۆی گرتنی و پێشێلکردنی مافەکان، بێریڤان ئەیوب ١٣ رۆژە دەستی بە چالاکی مانگرتن لە خواردن کردووە.
بەو هۆیەشە تەندروستی بێریڤان ئەیوب تێکچووە.
ف.ق
