شەوى ڕابردوو چەتەکانى داعش هێرشیانکردە سەر گوندى شحل قەدیم، کە سەر بە شارەدێى سەرگەڕانە لە باشووری شاری کەرکوک و لە ئەنجامدا سەربازێکی فیرقەی ١٤ى سوپاى عێراق بەناوی ‘مەحمود سەبعاوی’ کوژراوە و حەوت کەسى دیکە لە سەرباز و هاوڵاتی مەدەنەیی، برینداربوون.

بەپێی زانیارییەکان، دانیشتووانی گوندەکە ڕوبەرووی چەتەکان بوونەتەوە و چەتەکان هاوڵاتییەکیان ڕفاندووە.

جێگەى ئاماژەیە، شەوی ٣١ی ئابیش، چەتەکانى داعش هێرشیانکردە سەر گوندى ئیسڵاح لە سنووری شارەدێی گوڵاڵە ى سەر بە شارۆچکەى خانەقین و  شەڕ و ڕووبەڕووبونەوە ڕوویدا و لە ئەنجامدا سەربازێکى سوپاى عێراق و دوو هاوڵاتى مەدەنیی، برینداربوون.

ف.ق