ماڵپەڕی کۆڵبەرنیوز رایگەیاند، ڕۆژى سێشەممە ٣١ ى ئابى ٢٠٢١، هێزەکانی رژێمی ئێران لە سنووری هەنگەژاڵى سەر بە شارى بانەی پارێزگاى سنە، دەستڕێژى ڕاستەوخۆیان لە ژمارەیەک کۆڵبەر کردووە و لە ئەنجامدا دوو کۆڵبەر بە سەختى برینداربوون.

  لەبارەى ناسنامەیى بریندارەکان، کۆڵبەرنیوز ئاماژەى بەوەشکردووە، یەکێک لە بریندارەکان ناوى ‘بەهمەن کریم پەناهـ’ە و خەڵکی ئارمەردەی سنورى شارى بانەیە، بریندارى دووەمیش ناوى ئارمان ڕەسوڵیە و  خەڵکی بۆکانە.

بەپێی زانیاریەکان هەردوو کۆڵبەرەکە لە ئێستادا لە نەخۆشخانەی سەلاحەدینی ئەیوبی لە شاری بانە لەژێر چاودێری پزیشکەکاندان.

ف.ق