٥٠ گەنجی ئێزدی لە گوند و ناوچەکانی شەنگال بەشداری ریزەکانی ئاسایشی ئێزدخان بوون. خولی پەروەردە و راهێنانی ئەو گەنجانە لە دوای یەک مانگ بە رێکخستنی مەراسیمیکی سەربازی کۆتایی پێهات.

حسێن شەنگالی لە بەڕێوەبەرایەتیی ئاسایشی ئێزدخان بەشداری مەراسیمەکە بوو و لە مەراسیمەکەدا رایگەیاند، کۆتایهاتنی خولی پەروەردە و راهێنانی ٥٠ گەنجی ئێزدی لە ئاکادیمیای شەهید شەنگال لە هەموو کۆمەڵگەى ئێزدی پیرۆز دەکەم. لە وتەکانیدا سەرنجی خستە سەر گرنگیی بەهێزکردنی ئاسایش لەم کات و قۆناغەدا.

حسێن شەنگالی رایگەیاند، گەلەکەمان چاوی لە ئاسایشە، بۆیە دەبێت بۆ پاراستنی خەڵکەکەمان بە بەردەوامی ئامادە بین و وتی، "دەبێت ئێمە خۆمان باشتر رێکبخەین، چونکە گەلەکەمان رۆژ بە رۆژ روو لە شەنگال دەکات و لە سایەی رۆڵەکانی ئێزدخان دا بە ئارامی ژیان بەسەر دەبەن".

باسیشی لە هەڕەشە و هێرشەکانی سەر ناوچەکەیان کرد و رایگەیاند، پشتیوانیکردنی گەل و یەکگرتووییان هەموو پلانەکان پووچ دەکاتەوە.

لە مەراسیمەکەدا ئەندامانی نوێ ئاسایش بەسەر ریزەکان وهێزەکانی خۆیاندا بڵاوبوونەوە.

ژ.ت