سوپای تورکیا ١٥٠ زرێپۆشی لە سنوورەکانی هەرێم جێگرکردووە
سوپای داگیرکەری تورکیا لە دەوروبەری بارەگای سەربازیی ڕوبارۆک و موسەکای شەمزینان-ی سەربە جولەمێرگ، بە دەیان زرێپۆشی لەسەر سنوورەکانی باشوری کوردستان جێگرکرد.
سوپای داگیرکەری تورکیا لە دەوروبەری بارەگای سەربازیی ڕوبارۆک و موسەکای شەمزینان-ی سەربە جولەمێرگ، بە دەیان زرێپۆشی لەسەر سنوورەکانی باشوری کوردستان جێگرکرد.
بەگوێرەی ئەو زانیارییانەی کە لە لایەن سەرچاوە خۆجێییەکانەوە دەستمان کەوتووە، شەوی ڕابردوو کاتژمێر ١١:٣٠ خولەک سوپای تورکیا ١٥٠ زرێپۆشی لە دەوروبەری بارەگای سەربازیی ڕوبارۆک و موسەکای شەمزینان-ی سەربە جولەمێرگ جێگرکردووە .
ئەو سەرچاوانە ڕایانگەیاندووە کە لە بارەگا سەربازییەکانی ڕووبارۆک و موسەکای سەربە شەمزینانی جولەمێرگ ئەو زرێپۆشانە جێگرکراون و سوپای تورک بەنیازە ئۆپەراسیۆنی داگیرکردنی باشوری کوردستان بەرفراوانتربکاتەوە.
فڕۆکە جەنگییەکانی سوپای تورکیا خواکورک-یان بۆردمان کرد
ئێوارە دوێنێ کاتژمێر ٠٦:٠٠ فڕۆکە جەنگییەکانی سوپای تورکیا ئەرموش-ی سەربە خواکورک و قەندیلی بۆردوومانکرد، بەهۆی ئەو بۆردوومانانەوە ئاگر لە چیاکان کەوتەوە و تا سەرلەبەیانیی ئەمڕۆ بەردەوام بووە.
ک-ش