ناسر یاگز بۆ تێکشکاندنى گۆشەگیریى سەر عەبدوڵا ئۆجالان رێبەری گەلی کورد، لە چالاکیى مانگرتنى بێسنووردایە و بەهۆی خراپبوونى باری تەندروستییەەو شەوی رابردوو کاتژمێر ٢١:٠٠ گواسترایەوە بۆ نەخۆشخانەى پار لە شاری هەولێر.
ناسر یاگز ئەندامى پارتى دیموکراتیکى گەلان (هەدەپە) دوێنێ شەو لە کاتژمێر ٢١:٠٠ دا و لە ٧٣هەمین رۆژی مانگرتنە بێسنوورەکەیدا بۆ تێکشکاندنى گۆشەگیریى سەر عەبدوڵا ئۆجالان رێبەری گەلی کورد، باری تەندروستیى تێکچوو و بەو هۆیەوە گواسترایەوە بۆ نەخۆشخانەى پار.
ناسر یاگز لە نەخۆشخانە قبوڵی نەکرد موغەزەیى بۆ هەڵبواسرێت و دواى ماوەیەک مانەوە لە نەخۆشخانەکە گەڕایەوە بۆ شوێنى مانگرتنەکەى لە نوێنەرایەتیى هەدەپە لە شاری هەولێر.
ناسر یاگز ئەمڕۆ لە ٧٤هەمین رۆژی مانگرتنەکەیدایە و لە کاتى گەڕانەوەیدا بۆ نوێنەرایەتیى هەدەپە لە هەولێر رایگەیاند، بەردەوام دەبێت لەسەر بەرخودانەکەى.
ر.م
