هامسەرۆکە گردینەکاو پارتو دیموکراسی و یەکسانیی گەلا (دەم پارتی) تولای حاتەمئۆغیولاری و تونجەر باقرخان چەنی پەرلەمانتارا و ڕاوەبەراو پارتەکەی سەرێ شارەوانیی گەورەشارو ئامەدیشا دا.  

شاندەکە لاو هامسەرۆکاو شارەوانیی گەورە شارو ئامەدیوە سەرا بوجاک و دۆغان هاتونی هەرپاسە هامسەرۆکاو شارەوانیی یاگەکاوە خێرامای کریێ.

سەردایەکە لاو ڕۆنامەواناوە بەوردی رووەماڵ کریا. باقرخان ڕاو هامسەرۆکاو شارەوانییوە مەبارەکباییش وەنەو خەڵکی کەرد و واتش، " ئینایمێ چا بڕوێنە کە سەرجەمو هامسەرۆکاو شارەوانییەکاما بەتایبەتی هامسەرۆکاو گەورەشارەکاما خزمەتێوی بەنرخ پێشکەش بە گەلی مکەرا".

تولای حاتەمئۆغیولاری یادش وستۆ، کە بە وەعدوو خزمەتکەردەی بە خەڵکی بەشدارییشا  ورچنیەینە کەردەن و واتش، " بڕواما هەنە کە بەتایبەتی ئامەدنە و گردو شارەوانییەکای تەرنە خزمەتێوی نموونەیی دیموکراتیک و وەرەچەم بە گەلی مکریۆ".

هامسەرۆکاو شارەوانیی دەم پارتی وەختو سەردایەکەینە بە بۆنەو سەرکەوتەی یانەو ئامەدسپۆری و بەدەسئاردەی نازنامو پاڵەوانێتییوە مەبارەکباییشا وەنەو یانەکەی کەرد. سەردایەکە دمایی بە شێوەی وزیارە ڕووەو ئەرەیاونایەکارە بەردەوام بی.