سەرۆک فراکسیۆنوو دەم پارتی سەزای تەمەلی چەمپنەکۆتەیێ ڕۆنامەوانیش جە ئەنجوومەنەنە ئەنجامدا و گەشەئەسایەکێ ڕۆژەڤیش هۆرسنگنێ. جە سەرەتانە تەمەلی سەرکەوتەی و بیەی بە پاڵەوانی  یانەو ئامەد سپۆرتیش پیرۆزکەرد.

حەرپاسە بە ڕێزۆ یادوو ساڵوەگەڕوو جە قەنارەدای دەنیز گەزمیشی و هامڕاکاش کەردۆ.

جە درێژەو کۆبیەیۆکەینە تەمەلی هەڵوێسوو ناڕازیبیەی وێش وەرا وەر بە گێرتەیەکا ١و ئایاروو ئەستەنبوڵی بەربڕی و واتش: "ئانەی ئەستەنبوڵەنە ڕووەشدا جگە جە تاوانێ هیچی تەر نەبێ. کێ تاوانەش کەردە؟ تاوانەو وەزارەتوو دلێینەی و هێزە ئەمنییەکان. سەرەڕاو قەراروو دادگاو باڵای، زیاڎ جە ٤٢ هەزار پۆلیسێشا وەڵێ کەردێ پەی ڕاگێرتەی جە مبارەککەردەی جەژنەو ١و ئایاری جە تەقسیم، زیاتەر جە ٢٠٠ کەسا گیریێ و مەعەل ئەسەف کە ٣٨ چانیشا گیریێ. ئینە یاگێ قبوڵکەردەی نیا و داوا مکەرمێ ئانێ گیریێنێ بەزوتەرین وەخت وەر بڎریا."

ناڕازایبیەیش وەرا وەر بە وەزارەتی دادی نیشانەدا

تەمەلی جوابوو ناڕازیببیەیش وەرا وەر بە جوابوو "گۆشەگیری نیا"و ڕاوەبەرایەتی گردیی زیندانەکا لکەدریا وەزارەتوو دادی نیشانەدا و پی جۆرە بەردەوام بی: "تەماشە کەردێ جە داواکارییەکاو گردوو پەرلەمانتارامانە جە کۆمیسۆنوو مافەکا مرۆڤوو ئەنجوومەنینە، ئانەما دیاریکەرد کە جە ئیمراڵینە بە یاگەیاونایێ سیستمێوە ئاوارتە هەن. کۆمیسۆنیچ نویستەیێ وەزارەتوو دادیش نیشانە دایمێ کە ماچۆ "گۆشەگیری نیا" چەنی گۆشەگیری نیا؟ ئانە ماوەو ٤ ساڵ و مانگێوەن چەمپنەکۆتەی چنی بنەیانە و پارێزنەرا نیا. ٣٨ مانگێن زانیاری نەدایێ ڕەها هەن. کۆمیسۆن ماچۆ پەی ئانەی بتاومێ باسوو گۆشەگیری بکەرمێ، پێویسا زانیاری هۆرنەگێرتەیێ ڕەها بۆ. 'ئێ بەڵێ زانیاری هۆرنەگێرتەیێ ڕەها هەن. ٣٨ مانگێن هیچ کەناڵێوە پەیوەندیکەردەی نیا. هیچ زانیاریێوە نیا."

تەمەلی جە درێژەو قسەکاشەنە ئاماژەش پانەی دا کە ماوەو زیاتەر جە ٢٤ ساڵان بە مەڵامەتوو گۆشەگیرییوە تورکیا ئینا دلێ قەیرانێ قوڵینە، جە بێ یاسایی و نادادپەروەریێوە گەورەنە گیرش واردەن و واتش: "پەی ئانەی دمایی پی ئاژەیە بارمێ، دیسان داوا جە کۆمسیۆنوو مافەکا مرۆڤوو ئەنجوومەنی مکەرمێ، پەی بەیاگێ یاونای ئەرکی، پێویسا دەموودەس شاندێوە ئەوەکۆڵیای بلۆ دوورگەو ئیمراڵی."