یەکینەو گەشمەرڎە ئاخین مووشی ٧ چالاکیۍ ئاسمانیێش کەردۍ
یەکینەو گەشمەرڎە ئاخین موشی جە بەینوو ٨-١٣و تەمووزینە جە هەرێموو زاپی دژوو سەروازا تورکی ٧ چالاکیۍ ئاسمانیێش کەردۍ.
ناوەڼو ئەرەیاۋنای و چاپەمەنی هەپەگەی جە ئەرەیاۋنێوەنە باسش چانەیە کەردەن کە، "یەکینەکۍ گەشمەرڎە ئاخین موشی جە مابەینو ٨-١٣و تەمووزینە ٧ چالاکیۍ ئاسمانیێشا کەردێنۍ. سوپاو تورکی ئەرەگیری جە مېڎانوو مڎرامانوو سەرگەلێنە جە هەرێموو گەشمەرڎە دەلیلینە جە ۋەرنیشتوو زاپی بە کەرەسەی ئاسمانی کریۍ مەرام و بە شێوەێوە کاریگەر گورزەشا ۋنەشنیا.
جە ٧ چالاکیەکەنەکە جەلایەن و یەکینەو گەشمەرڎە ئاخین مووشیوە کریان، ئاڼەی ڕۊشن بیەنۆ بە گرڎیی؛ لاوکەمیۆ ٣ ئەرەگیرۍ سزادریێنۍ، ٦ ئەرەگیرۍ زامڎارۍ بیێنۍ و مۆڵگېوە ئەرەگیرا دلېنەبریان."
