دانیشتنی دادگاییکردنی سەمرا گوزەل پەرلەمانتاری هەدەپە لە ٢٢مین دادگای سزا قورسەکانی ئەنقەرە بەڕێوەچوو کە لە سێی ئەیلولدا بەهۆی دۆسیەیەکی ٢٠١٧دا دەستگیرکرابوو و هەندێک بەڵگە و وێنە لە دۆسیەکەیدا هەیە. لە دانیشتنی دادگادا کە ژمارەیەکی زۆر پارێزەر ئامادە بوون، سەمرا گوزەل بەهۆی ئەوەی ژمارەیەک خزم و کەسوکاری لە بومەلەرزەکەدا گیانیان لەدەستداوە، بەشداری نەکرد.

پارێزەر سەنەم دۆغانئۆغلۆ داوای کرد دۆسیەکە دابخرێت.

پارێزەر ئارزو ئەیلەم کایائۆغلۆ ئاماژەی بەوەکرد کە ' دەستووری بنەڕەتی لە رێگەی دادگاوە پێشێل دەکرێت.'

پارێزەر سینەم جوشکون وتی، " موەکیلی من رووبەرووی هێرشی سیاسی بووەتەوە."

شاندی دادگا بڕیاریدا دەستگیرکردنی سەمرا گوزەلی درێژکردەوە و دانیشتنی دادگا بۆ ٢٨ی نیسان درێژکرایەوە.

ف.ق