کەمپەینی لابردنی ناوی پەکەکە لە لیستی "ڕێکخستنە تیرۆریستییەکان" بەردەوامە و دکتۆر ڕۆلف بۆرسارت مامۆستا و چالاکوانی پیشەیی لە شاری سانت گالێنی سویسرا لەوبارەیەوە بۆ ئاژانسی هەواڵی فورات (ANF) قسەی  کرد و ڕایگەیاند، ئەم چالاکییە بە مانای دادپەروەرییە بۆ کورد.

بۆسارت وتی: "من باوەڕم وایە ئەگەر دانوستانێک بە بەشداری لایەنە مەدەنی و سیاسی و سەربازییەکان بکرێت کێشەی کورد چارەسەر دەبێت.

 پەکەکە لە دۆزی کورددا ئەکتەرێکی گرنگە و لە لایەن گەلی کوردەوە وەک نوێنەری ڕەوای بەرژەوەندییە مافەکانیان سەیر دەکرێت، بۆیە دەبێت پەکەکە لە چارەسەرکردنی پرسی کورددا وەک لایەنێکی مەشروع و رەوا سەیر بکرێت.

 کاتێک دەکرێت هەنگاوێکی ئەرێنی بگیردرێتە بەر، کە پەکەکە وەک هاوبەشێکی دانوستانکار سەیر بکرێت".

ژ.ت