لە زیندانی پیتی ئێفی ژمارە ٢ی تەکرداغ دوای ئەوەی وەدات ئەرکمەن ١٩ی کانونی یەکەم بە شێوەیەکی گۆماناوی تێیدا گیانی لەدەستدا، ٥ زیندانی دەستییان بە چالاکی مانگرتن لە خواردن کرد.

زیندانیانی سیاسی محەمەد سولەیمان ئوجاکان، تورهان ئیلباش، حسێن کاراداش، حەبیب گولەر و ئەحمەد عارف یۆیلەر رایانگەیاند کە ژیانیان لە مەترسیدایە و لە ٧١ی کانونی دووەمەوە دەستیان بە مانگرتن لە خواردن کردووە.

شەهابەدین ئۆگوت و دوو زیندانی دیکە کە ناوەکانیان نەزانراوە بەشداریان لە چالاکی مانگرتندا کردووە. ژمارەی ئەو زیندانیانەی کە دەستیان بە مانگرتنەکە کردووە گەیشتە ٨ کەس.

زیندانیان داوا دەکەن کۆتایی بە پێشێلکاریەکانی مافەکانی مرۆڤ و ئەشکەنجەی ئەنقەست لە زیندانەکان بهێنرێت.

محەمەد سولەیمان ئوجاکان کە بەشداری لە چالاکیەکەدا کردووە لە رێگەی تەلەفۆنەوە لەگەڵ خانەوادەکەی قسەی کرد و وتی، " خوێ، شەکرد و لیمۆ کە پێویستیان پێی هەیە، دابین ناکرێن و هەر جارە و یەکێکیان نادەن."

ئوجاکان رایگەیاند، هەڵدەکوتنە سەر قاوشەکان و دەست بە پشکنین دەکەن و دەست بەسەر کەلەپەلی زیندانیەکاندا دەگرن.

ف.ق