لە شاری یۆتۆبۆری سوید بۆ شەهید گوڵستان ئایدەمیر (دەڤریم هەژار) گەریلای یەژەئاستار رێورەسمی یادکردنەوەی ئەنجامدرا کە ٢٧ی تشرینی یەکەمی ٢٠٢٢ لە مەتینا شەهید بوو. خانەوادەی شەهید و زۆر وڵاتپارێز بەشداریان لە رێورەسمەکەدا کرد.

لە رێورەسمەکەدا بەڵگە فیلمێک لەبارەی ژیانی شەهید نمایشکرا. لەسەر ناوی خانەوادەی شەهید، خوشکی گەورەی شەهید قسەی کرد و وتی، " گوڵستان شەهیدی دووەمی خانەوادەی ئێمەیە. ساڵی ١٩٩٦ لە خانەوادەکەمان کەسێکمان تێکەڵ بە کاروانی شەهیدان بوو. ئەم شەهیدبوونە کە ئازارێکی گەورەیە، بۆ ئەرک و بەرپرسیاریە. ئێمە درێژە بە میراسی شەهیدەکان دەدەین. سەرەخۆشی لە گەلی کورد دەکەین."

' جێبەجێکردنی خەیاڵەکانی، قەرزی سەرشانی ئێمەیە'

هەروەها لەسەر ناوی ئەنجومەنی خانەوادەی شەهیدان یۆتۆبۆری قسەکرا و ئاماژەی بەوەکرا، " شەهیدان بەهای گەورەی ئێمەن. قەرزی سەر شانی ئێمەیە کە خەیاڵەکانیان جێبەجێ بکەین. سەرەخۆشی لە خانەوادەی شەهید دەڤریم هەژار و گەلی کورد دەکەین."

باسی ئەوەشکرا کە شەهیدان و گەریلاکانمان جوانترین و بەنرخترین مرۆڤن. ئێمە قەرزاری ئەوانین. بۆ ئازادی گەلی کورد فیداکاریەکی گەورەیان کردووە. تێکۆشانیان دەگەیەنینە سەرکەوتن."

رێورەسمەکە بە وتنەوەی دروشمی 'بژی سەرۆک ئاپۆ و شەهید نامرن' کۆتایی هات.

ف.ق