بازید

له‌ ناوچه‌ی بازیدی ئاگری به‌ هه‌زاران كه‌س به‌ ئامانجی شه‌رمه‌زاركردنی به‌رزبوونه‌وه‌ی نرخ و گرانی به‌ تایبه‌تی نرخی كاره‌با رژانه‌ شه‌قامه‌كان و رێپێوانیان سازكرد. له‌ شه‌قامی ئینه‌گۆل، به‌ دروشمی "ئه‌وه‌ سته‌مكارییه‌"، " حكومه‌ت ده‌ست له‌ كاربكێشه‌وه‌" تا به‌رده‌م كۆمپانیای دابه‌شكردنی كاره‌بای ئاراس رێپێوانیان كرد و له‌وێ به‌ چه‌پڵه‌ و دروشم درێژه‌یان به‌ چالاكیه‌كه‌یاندا.

به‌هۆی شه‌رمه‌زاركردنه‌كه‌وه‌، پۆلیس چوارده‌وری بینای ئاراس ئه‌داسی گرت.

مارماریس

پلاتفۆرمی ئیتر به‌سه‌ی مارماریس له‌به‌رده‌م كۆمپانیای كاره‌بای ئایده‌م كۆبوه‌وه‌ و به‌رزبوونه‌وه‌ی نرخی ناو پسوڵه‌كانی كاره‌بای شه‌رمه‌زار كرد.

له‌سه‌ر ناوی پلاتفۆرمه‌كه‌ نه‌جلا باشاران قسه‌ی كرد و وتی، "هه‌ر به‌ر له‌وه‌ی مووچه‌كانمان وه‌ربگرین، نیوه‌ی مووچه‌كه‌ بۆ پسوڵه‌كان ده‌ڕوات. دووكانداره‌كانیش زیاتر له‌ كرێ پاره‌ی پسوڵه‌ی كاره‌با ده‌ده‌ن. ئێمه‌ نامانه‌وێت باجی ناسه‌قامگیری سیاسی و ئابوری وڵاته‌كه‌ بده‌ین".

هـ . ب