ئێشكگری ئازادی كه‌ ده‌ستپێشخه‌ری ئازادی بۆ ئۆجالان له‌ 25ی حوزه‌یرانی 2012 له‌ شاری ستراسبورگ ده‌ستیپێكردبوو و له‌ هه‌فته‌ی 503هه‌میندا له‌ لایه‌ن گروپێك له‌ شاری هه‌یلبرۆنی ئه‌ڵمانیاوه‌ ده‌ستاوده‌ستی پێكرا.

له‌ گروپه‌ نوێكه‌دا شه‌وكه‌ت چه‌لیك، بۆزان عومه‌رلی و ره‌ڤشه‌ن باگۆك به‌شدارن.

له‌سه‌ر ناوی گروپه‌كه‌ شه‌وكه‌ت چه‌لیك قسه‌ی كرد و به‌ بیری هێنایه‌وه‌ كه‌ رێبه‌ری گه‌لی كورد عه‌بدوڵا ئۆجالان 23 ساڵ به‌ر له‌ ئێستا به‌ پیلانگێڕیه‌كی نێونه‌ته‌وه‌یی به‌ دیل گیرا و وتی، "تا ئه‌و كاته‌ی رێبه‌ر ئاپۆ له‌ رووی جه‌سته‌ییه‌وه‌ ئازاد ده‌بێت ئه‌وان درێژه‌ به‌و ئێشكگرییه‌ ده‌ده‌ن".

چالاكی ئێشكگری كه‌ ماوه‌ی 10 ساڵه‌ له‌ ستراسبورگ به‌رده‌وامه‌، هه‌فتانه‌ حه‌وت رۆژ له‌ نێوان كاتژمێر 07:30-16:30 به‌رده‌وام ده‌بێت.

هـ . ب