کۆنگرەی ستار رایگەیاند، کە شەهیدکردنی زەلال زاگرۆس (فریاڵ خالید) هێرشێکی سیاسی بووە و جەختی کردەوە، "ئاشکرایە کە ئەو هێرشە بەدەستی میت ئەنجامدراوە"، راشیگەیاند، "داوای فراوانکردنی تێکۆشان دەکەین".
دەستەی بەڕێوەبەریی کۆنگرەی ستار پەیوەست بە شەهیدکردنی زەلال زاگرۆس لە کەرکوک راگەیەدراوێکی بڵاوکردەوە.
لە راگەیەندراوەکەدا هاتووە،
"ئەندامی بەڕێوەبەری کۆنگرەی ستار فریاڵ سلێمان خالید (زەلال زاگرۆس) بە ئامانجی دیدار لەگەڵ رێکخراوەکانی ژنان و دۆزینەوەی چارەسەری هاوبەش بۆ کێشەکان، سەردانی کەرکوکی کردبوو. کاتێک لەو شارەبوو تیرۆرکرا.
هێرشە لە دژی هەڤاڵمان فریاڵ، نییە لە هێرشی سەر ئەندامی ناوەندی ژنۆلۆژی ناگیهان ئاکارسەل لە سلێمانی و هێرشەکانی فەرەنسا لە دژی سەکینە جانسز، رۆناهی، رۆژبین و ئەڤین گۆیی دابڕاو نیە. ئەقڵیەتی پیاوی دەسەڵاتداری فاشیست، لە تەواوی مێژوودا لە بەرامبەر ئەو ژنانەی بۆ ئازادی تێدەکۆشن و خۆڕاگری دەکەن، بە شێوەیەکی سیستماتیک ستراتیژێکی پەلاماری لەو جۆرە پەیڕەو دەکات. وەک پێشتریش دەرکەوتووە، ئاشکرایە کە میتی تورک لە پشت ئەو هێرشانەوەیە. ئامانج ئەوەیە کە هەرکەس کە لە کوردستان لە دژی شەڕی چەپەڵ خۆڕاگری بکات، بکرێتە ئامانج و تیرۆر بکرێت. کردنە ئامانجی ژنای خۆڕاگر لە چەقی ئەو سیاسەتە چەپەڵەدایە.
'لە بونیادنانی کۆمەڵگای ئەخلاقی و سیاسی رۆڵێکی گرنگی هەبوو'
هاوڕێمان فڕیاڵ ساڵی ١٩٧٥ لە عامودێ لەدایکببوو. لە ساڵانی ١٩٩٠دا بزوتنەوەی ئازادی کوردستانی ناسی و لە ساڵی ١٩٩٣دا بەشداری بزوتنەوەی ئازادی بوو. لەو رێکەوتەوە لە زۆر گۆڕەپاندا بە شێوەی سەرکەوتوو کار و خەباتی بەڕێوەبردووە. لەو ٣١ ساڵەی تێکۆشاندا بەتایبەتی لە رۆژئاوا، ئەرمینیا و دیمەشق نەک هەر بۆ ژنای کورد، بەڵکو بۆ تەواوی ژنان و گەلانی بندەست کار و خەباتی بەڕێوەبرد. بەتایبەتی لە باکور، باشور، باکور و رۆژهەڵاتی سوریا بە شێوەیەکی بێ وچان کار و خەباتی رێکخستنی ژنان و گەلی هەرێمەکەی ئەنجامدا و لەو شوێنانە رەنجێکی بێهاوتای کێشا. بۆ ئەوەی لە نێوان ژنانی عەرەب، سوریانی، کورد و ئێزدیدا نەتەوەی دیموکراتیک و خۆبەڕێوەبەری بچەسپێنێت، لە سەر بنەمای یەکسانی و ئازادی، بونیادنانی کۆمەڵگای ئەخلاقی و سیاسی رۆڵێکی زۆر گرنگی گێڕا".
'گوڕ بە چالاکیەکانمان دەدەین'
کۆنگرەی ستار راشیگەیاندووە:
جارێکی دیکە دەڵێین؛ هێرش لە دژی هاوڕێمان فڕیاڵ تاوانێکی سیاسییە. لە ئەنجامی سیاسەتی قڕکردنەدا ئەو تیرۆر و کۆمەڵکوژیانە ئەنجام دەدرێن. وەک چۆن ئەو هێرشە هەرگیز ناتوانن پاشەکشێمان پێبکەن، ئەو هێرشە ترس لەو ژنانەی خۆیان رێکدەخەن و زانا دەبەن، نیشان دەدات. ئێمە پەرە بە تێکۆشانمان دەدەین، پەیوەست دەبین بە ئامانجەکانیانەوە. ئێمە بە خێرایی گوڕ بە کار و خەباتی شۆڕشی ژنان لە کوردستان دەدەین کە بە خێرایی بە تەواوی جیهاندا بڵاودەبێتەوە.
بۆ ئەوەی ئەو هێرشانە و هێرشە هاوشێوەکانیان لە تاریکیدا نەمێننەوە، داوا لە هەموو ژنان، گەلە وڵاتپاڕێزەکەمان، رەنجدەران، گەلانی شۆڕشگێڕ و دۆستانیان دەکەین کە تێبکۆشن. ئێمە داوا لە حکومەتی عێراقیش دەکەین کە بۆ ئەوەی ئەنجامدەر و بکوژەکان ئاشکرا بکرێن، دەستگیر بکرێن و لێپێچینەوەیان لەگەڵ بکرێت، بەرپرسیارانە مامەڵە بکات. ئەگەر ئەو هێرشە روون نەکرێتەوە، ئەوە بەمانای ئەوە دێت کە حکومەتی عێراقیش دەستی لەو هێرشانەدا هەیە و هاوکاریانە".
هـ . ب
