لە ئێلح چالاکییەکان دژی دەستبەسەراگرتنی شارەوانی ئێلح بەردەوامە. هاوڵاتیان لە چەندین ناوچەی شارەکە کۆبوونەوە و درووشمی "ئاکەپەی دز" و "ڕۆژی خۆی دێت، دەوران دەگۆڕێت، گەل لێپرسینەوە لە ئاکەپە دەکات" و "بە بەرخۆدان سەردەکەوین" بەرزکرایەوە. ناوەندی ناڕەزایەتییەکان لەبەردەم شارەوانی شارەکە گەمارۆدرا. چەندین کەس بەشداری چالاکییەکەیان کرد.

پۆلیس بە ئاو و فیشەکی پلاستیکی هێرشیان کردە سەر جەماوەر کە هاوسەرۆکی گشتی دەبەپە کەسکین بایندەر و پەرلەمانتارانی دەم پارتیش لەنێویاندا بوون. جەماوەر دژی هێرشەکە بەرخۆدان دەکات و چەندین کەس بە لێدان دەستبەسەرکراون.

بەشێکی جەماوەر بە بەرزکردنەوەی درووشم بەرەو بینای ڕێکخستنی دەم پارتی ڕێپێوانیان کرد، بەشێک لە هاوڵاتیانیش لە ناوچە جیاوازەکانی شارەکە ناڕەزایەتییان دەست پێ کرد.