گەنجانی ئێلیح لە پێنجەم شەوی ناڕەزایەتی و خۆپیشاندانەکانیان دژی سەپاندنی قەیوم لەسەر شارەوانی شارەکە بەردەوامبوون لە چالاکی.گەنجان لە گەڕەکەکانی حزور، جمهوریەت، ئەمەکلی، تۆکی پازاریەر، هیلال، کارشیاکا، پەترۆڵ کەنت، باغلەر، کۆریک، بەیندر، جود و پەترۆڵ، لە شەقام و  گۆڕەپانەکان چالاکیان ئەنجامدا. گەنجان بەبێ وەستان درووشمی"ژن ژیان ئازادی"، " بژی سەرۆک ئاپۆ"، " شارەوانییەکان هی ئێمەیە، قەیوم دەبێت بچێت" یان بەرزکردەوە و هێرشیان کردەسەر قەیوم. چالاکی گەنجان تا درەنگانی شەو بەدەوام بوو.

گەنجان وەڵامی هێرشەکانیان دایەوە

پۆلیس خۆی لە بەردەم چالاکی گەنجان ڕانەگرت و بە ئۆتۆمبێلی ئاوپڕژێن و  گازی بیبەر و گولەی پلاستیکی هێرشی کردە سەر خۆپیشاندانەکە. گەنجان  بەربەستیان لەسەر شەقام دانا و  ئاگریان کردەوە و بە بەرد و مۆڵۆتوف وەڵامی هێرشی پۆلیسیان دایەوە.