ئامەد

لقی ئامەدی کۆمەڵەی مافپەروەران بۆ ئازادی لە پارکی کۆشییوڵ لەبارەی کوشتنی دەنیز پۆراز راگەیەنراوێکیان خوێندەوە. بەڕێوەبەرانی هەدەپە، دەبەپە، چالاکوانانی تەژەئا، نوێنەرانی رێکخراوەکانی کۆمەڵگای مەدەنی بەشداریان کرد و دروشمیان وتەوە و ناڕەزاییان دەربڕی. موحەرەم شاهین هاوسەرۆکی لقی ئامەدی کۆمەڵەکە قسەی کرد و رایگەیاند، بکوژەکە بە تەنها کەسێک نییە، دەسەڵات بەرپرسیاری کۆمەلکوژیەکەیە.

پلاتفۆرمی رەنج و دیموکراسی ئامەد لەبەردەم باڵەخانەی ئەیتم سەنی ئامەد کۆنفڕانسێکی رۆژنامەنووسیان ئەنجامدا و هێرشەکەیان شەرمەزار کرد.

رێکخستنی هەدەپەی ناوچەی حەزرۆی ئامەدیش کوشتنی دەنیز پایرازی شەرمەزار کرد.

بەدلیس

بەڕێوەبەری هەدەپە لە ناوچەی تەتوانی بەدلیس لەسەر باڵەخانەی هەدەپە راگەیەنراوێکی بڵاوکردەوە و کوشتنی پۆیرازی شەرمەزار کرد. هاوسەرۆکی هەدەپە لە بەدلیس باسی ئەوەی کرد کە بەرپرسیاری هێرشەکە دەسەڵاتە و ئەم هێرشە ئەنجامی دوژمنایەتیکردنە لەگەڵ کورد.

موش

رێکخستنی هەدەپە لە موش لەبەردەم باڵەخانەکەی کۆبوە و هێرشەکەی شەرمەزار کرد. سیبەل گەنچ هاوسەرۆکی هەدەپەی موش رایگەیاند، رۆژ رۆژی یەکگرتنە بۆ هەدەپە و پێویستە ئیدی پارتەکانی ئۆپۆزسیۆن و رێکخراوەکانی مەدەنی لە تەنیشت هەدەپە جێگەی خۆیان بگرن.

دیلۆک

رێکخستنی رەنج و پیشەیی دیلۆکیش کۆنفڕانسێکی رۆژنامەنووسی ئەنجامدا و هێرشەکەی شەرمەزار کرد و باسی ئەوەکرا کە لەدژی فاشیزم پێویستە هەموو کەسێک یەکبگرێت و پێویستە تورکیا بەرەو رۆژە تاریکەکانەوە نەڕوات.

روحا

رێکخستنی هەدەپە لە روحا راگەیەنراوێکی بڵاوکردەوە و هێرشەکەی شەرمەزار کرد. ئایشە سوروجو و عومەر ئۆجالان پەرلەمانتارانی هەدەپە و ژمارەیەکی زۆر هاوڵاتی بەشداریان لە کۆنفڕانسی رۆژنامەنووسیدا کرد. پۆلیس هەوڵیدا رێگری بکات، بەڵام هاوڵاتیان ناڕەزاییان دەربڕی. ئایشە سوروجو باسی ئەوەی کرد، ئەمە هێرشێکی رێکخراوەییە و تاوەکو ئێستا نە سەرۆککۆمار و نە هیچ وەزیرێک قسەیان نەکردووە و بەم شێوەیە هەڵوێستی خۆیان پیشانداوە.

جۆلەمێرگ

لە جۆلەمێره بەڕێوەبەرانی کەسەک، ئیهادە، تەمەمەئۆبە و دیسک راگەیەنراویان بڵاوکردەوە و هێرشەکەیان شەرمەزار کرد.

ف.ق