نمایشکردنی فیلمی 'بۆ ئازادی'-(The End Will Be Spectacular) کە باس لە خۆڕاگرییە ١٠٠ رۆژییەکەی ناوچەی سووری ئامەد دەکات، لە فیستیڤاڵە نێودەوڵەتییەکاندا بەردەوامە.

ئەم فیلمە کە لە لایەن گروپی فیلمی رۆژئاوا وە بەرهەم هاتووە و دەرهێنەرەکەی ئەرسین چەلیکە، بڕیارە ١٢ی مانگی ئادار لە هەژدەیەمین فیستیڤالی نێودەوڵەتی فیلمی جنێڤ لە (Espace Pitoëff-Théâtre)  نمایش بکرێت.

دوای ئەوەی فیلمی 'بۆ ئازادی' لە پانزدەیەمین فیستیڤاڵی فیلمی Koltaka، فیستیڤاڵی فیلمی رۆژئاوا و چل و نۆیەمین فیستیڤاڵی فیلمی Rotterdam نمایش کرا، پێشوازییەکی گەرمی لێکرا.

هاوکات لە مانگی ئادار دا ئەم فیلمە لە ئەلمانیاش نمایش دەکرێت و لە مانگی نیسانیشدا بەشداری دوو فیستیڤاڵی دیکەی نێودەوڵەتی لە دوو وڵاتی جیاوازدا دەبێت.

بۆ بەدەستهێنانی بلیتی فیلمەکە لە رێگەی ئینتەرنێتەوە، دەتوانن سەردانی ئەم لینکەی خوارەوە بکەن:

ز.ش