فیستیڤاڵەکە بە دروشمی "بە ژن ژیان ئازادی دەستکەوتەکانی ژنان بپارێزە" ئەنجام دەدرێت. فیستیڤاڵەکە دەکرێتە دیاری بۆ ژنانی شەهیدی تێکۆشەری ٥٢ ساڵەی نەتەوەیی.

فێستیڤاڵەکە بە بەشداری ژنانی کورد لە ئەڵمانیا، بەلجیکیا و هۆڵندا ئەنجام دەدرێت. لە هەمانکاتدا چەندین ڕێکخراوی ژنان، هونەرمەند و دەستپێشخەرییە مەدەنییەکان لە فیستیڤاڵەکەدا بەشداردەبن.

بەرەو شۆڕشی ژن...

لە ڕاگەیاندراوەکەی یەژەکە-سەدا ئاماژە بەوەکراوە فێستیڤاڵەکەی ئەمساڵ بە ڕۆحی بانگەوازەکەی ڕێبەر ئاپۆ بۆ ئاشتی و کۆمەڵگەی دیموکراتیک ئەنجام دەدرێت و گوترا: "ئەمساڵ بە شێوەیەکی جیاواز، مانادار و گرنگ  پێشوازی لە فێستیڤاڵەکە دەکەین. وەک ژنان دەزانین دەبێت لە خۆمانەوە دەست پێبکەین، گۆڕانکاری دروست بکەین و پێشەنگایەتی کۆمەڵگە بکەین."

یەژەکە-سە بە تایبەتی بانگەوازی لە ژنانی کورد کرد و فێستیڤاڵەکەی هەم وەک گۆڕەپانی بەرخۆدان هەم وەک زەمینەی خاوەندارێتی کردن لە تێکۆشان هەڵسەنگاند.

هونەر، تێکۆشان و پشتیووانی ژنان

لە فێستیڤاڵەکەدا هونەرمەندان؛ چۆپی، بەرفین محەمەدۆڤ، باران بۆزیەل، بنەوش جزیرە، سۆسەن، نوارین، ئۆزگور ئیشک و زینێ بۆتان ئامادە دەبن و هونەرەکانیان پێشکەش دەکەن. هەروەها بە ستاندێک ڕەنج و کارەکانی ژنان نیشان دەدرێت و لەگەڵییدا بەرهەمەکانی ڕێکخراوەکان ژنان و هونەری جۆراوجۆر نیشان دەدرێن.

بانگەوازی بەشداربوون

لە کۆتایی ڕاگەیاندراوەکەییدا یەژەکە-ئە بانگەوازی لە هەموو ژنانی ئەڵمانیا، بەلجیکا کرد، کە لە ٢١ی حوزەیران بە جل و بەرگی نەتەوەیی و دڵ خۆشییەوە بەشداری فیستیڤاڵەکە ببن.