ئامادەکارییه‌كان بۆ فێستیڤاڵی كولتووریی سورنا بەره‌و تەواو بوون ده‌چن. بڕیاره‌ فێستیڤاڵه‌كه‌ ڕۆژی ٢٥ی تشرینی یه‌كه‌م\٣ی گه‌ڵاڕێزان كه‌تژمێر ١٦ له‌ ته‌لاری هونه‌ر له‌ شاری سلێمانی ده‌ستپێبكات و ٢ ڕۆژ ده‌خایه‌نێت. ڕێكخه‌رانی فێستیڤاڵه‌كه‌ ڕایانگه‌یاند، ١٤ گرووپ لە ناوچه‌ جیاوازه‌كانی باشووری کوردستان بەشداری ده‌كه‌ن.

مامۆستا نازەنین، به‌ڕێوه‌به‌ری کاری دیكۆر له‌ فێستیڤاڵه‌كه‌ به‌ ئاژانسی هەواڵی فورات ( ANF)ی ڕاگه‌یاند، ئامادەکارییەکان تەواو بوونە و لە كاتی خۆیدا فێستیڤاڵه‌كه‌ دەست بەکارەکانی خۆی دەکات. گوتیشی، ئامانجی فێستیڤاڵه‌كه‌ ناساندنی هونەری موزیك و گۆرانیی ناوچه‌ جیاوازه‌كانی باشووری کوردستانە. ناوبراو داوای لە هاوڵاتییان کرد بەشداری له‌م فێستیڤاڵه‌دا بكه‌ن.

s.m