بەرپرسێکی سەربازی ئەمەریکا بە ئاژانسی فرانس پرێسی ڕایگەیاندووە "لە بنکەی ئاسمانی عەین ئەلئەسعەد بە فڕۆکەی بێفڕۆکەوان لە دژی هاوپەیمانان و هێزەکانی ئەمریکا هێرش ئەنجامدراوە."

 ئەو بەرپرسە ئاماژەی بەوەشکردووە، "هێرشەکە هیچ زیانێکی گیانی و ماددی لێنەکەوتووەتەوە."

هاوشێوەی دەیان هێرشی پێشووتر، گرووپێک بە ناوی "خۆڕاگریی ئیسلامی لە عێراق" لەبن فەرمانی حەشدی شەعبی هێرشی سەر عەین ئەلئەسەدی لە ئەستۆ گرتووە.

لە سەرەتای دەستپێکردنی شەڕی ئیسرائیل و حەماسەوە، هێرش بۆ سەر بنکە سەربازییەکانی ئەمریکا و هاوپەیمانی نێودەوڵەتی دژی داعش لە عێراق و سوریا زیادیان کردووە.

گرووپە هێرشبەرەکان پشتیوانی واشنتۆن بۆ ئیسرائیل بە بیانو دێننەوە.

وەک وەڵامێک بۆ هێرشەکان، واشنتۆن چەندین جار هێرشی کردووە سەر میلیشیاکانی سەر بە ئێران لە عێراق.