لەئان و ساتی گردبوونەوە گشتی مامۆستایان لەئێران، بەرێوەبەری گشتی ئیتلاعاتی ئازەربایجانی رۆژئاوا، رایگەیاند كە؛ كەسێكی چەپگەرا ماركسیستی كە پەیوەندی لەگەڵ دوو كەسی فەرەنسی هەبووە دەستگیركراوه.
دوابەدوای بانگەوازی"ئەنجوومەنی هاوئاهەنگی پێكهاتە پیشەیەكانی مامۆستایان"، مامۆستایان لەشارە جیاوازەكانی ئێران رۆژی پێنج شەممە ١٦ی حۆزەیران رژانە سەرشەقامەكان. دیمەنە بڵاوكراوەكان لەتۆڕە كۆمەڵایەتیەكاندا دەرخەری كەشێكی میلیتاریستی و بوونی ژمارەیەكی زۆر لەهێزە ئەمنیەكان بەمەبەستی رێگری كردن لەگردبوونەوەی مامۆستایان ناڕازی لەشارەكان بڵاویان پێكراوە.
ئاژانسی"هرانا" بڵاوی كردۆتەوە؛ ١٠ چالاكی پیشەیی و لەئەندامانی ئەنجوومەنی پیشەیی مامۆستایانی كوردستان لەشارەكانی سەقز و دیواندەرە لەبیست و چوار كاتژمێری رابردو لەلایەن هێزە ئەمنیەكانەوە دەستبەسەركراون و گۆازراونەتەوە بۆ شوێنێكی نادیار.
مامۆستایانی ناڕەزای سەرەڕای داواكاریە پیشەیەكانیان لەوانە، جێبەجێ كردنی یاسای پلەبەندی مامۆستایان و هاوتاكردنی مووچەی خانەنشینان، هاوكات داوای داخستنی دۆسیەی ئەو لێكۆڵینەرانە پیشەیی و ئازادكردنی مامۆستایانی ناڕازی دەكەن.
مامۆستایانی ناڕازی لەكرماشان لەچوارچێوەی گردبوونەوە ناڕەزایەتیەكانیاندا درۆشمی"لەگەڵ ئەو هەموو هەرا و هاوارە، كۆا ئەنجامی بەڵێنەكان" و "مامۆستا دەمرن، بەڵام ریسوایی قەبوڵ ناكەن"یان دەوتەوە.
خانەنشینان و مامۆستایانی شاری رەشت درۆشمی"هاوڵاسان، گرانی، بەڵای گیانی خەڵك" و "زیندانی سیاسی دەبێت ئازاد ببێ"یان دەوتەوە.
تاران؛ كەشێكی میلیتاریستی بۆ رێگری كردن لەگردبوونەوەی مامۆستایان دروستكراوە
بڵاوبوونەوەی دیمەنەكان لەتۆڕە كۆمەڵایەتیەكان لەئان و ساتی گردبوونەوەی گشتی مامۆستایان، رژێم لەتاران كەشێكی میلیتاریستی خۆلقاندوە. لە دیمەنەكاندا دیارە كە هێزە ئەمنیەكان و سەیارەكانی پۆلیس لەشەقامەكانی دەرەوبەری پەرلەماندا راوەستاون. لەژمارەیەك لەشارەكانی ترەوە زانیاری بڵاوكراوەتەوە كە پێش دەست پێ كردنی گردبوونەوەی مامۆستایان، ژمارەیەك لەكارمەندانی پەروەردە و چالاكوانانی پیشەیی دەستگیركراون.
داواكاری سەرەكی مامۆستایان لەگردبوونەوە گشتی مامۆستایان، ئازادی مامۆستا دەستگیركراوەكان و جێبەجێ كردنی پلەبەندی كارەكەیانە.
هـ . ب
