سەرەڕای هەموو گوشارەکانی دەوڵەتی ئێران نەورۆزی ئەمساڵ لە ڕۆژهەڵاتی کوردستان بە جۆش و خرۆشێکی تایبەتەوە بەڕێوەچوو. مۆرکی خۆی لەسەر پیرۆزباییەکانی نەورۆزی کوردستان دانا.

لە چەند ڕۆژی دواییدا ئاگری نەورۆز لە شارەکانی ئیلامی ڕۆژهەڵاتی کوردستان گەشایەوە و گەل بە مەراسیم، گۆرانی و جلوبەرگی ڕەنگاوڕەنگەوە بەشدارییان لە مراسیمەکەدا کرد.

دوێنێ لە گوندی مورتی سەر بە ناوچەی ئەرکەوازی شاری ئیلام، سەدان هاووڵاتی ئاگری نەورۆزیان کردەوە و بە جۆش و خرۆشێکی بەرزەوە نەورۆزیان پیرۆز کرد.

هەروەها نەورۆز لە گوندەکانی قەڵاقیران و مانیشت سەر بە ئیلام به به شداری سەدان هاووڵاتی به جۆش و خرۆشەوه به ڕێوه چوو.