وەزارەتی دەرەوەی ڕوسیا ڕایگەیاند، سەرۆکی سوریا بەشار ئەسەد وڵاتەکەی بەجێهێشت و فەرمانی گواستنەوەی ئاشتیانەی دەسەڵاتی دەرکرد. سەرچاوە ئیسرائیلییەکان سەرنجیان بۆ ئەو ڕاستییە ڕاکێشا کە ماوەیەک لەمەوبەر فڕۆکەیەک لە بنکەی سەربازی ڕووسیا لە لازقییە فڕی و ئاماژەیان بەوە کرد کە ڕەنگە بەشار ئەسەد لەو فڕۆکەیەدا بێت.

هێزەکانی هەتەشە کە ناوەندی دیمەشقیان بەتەواوەتی کۆنترۆڵ کرد، یەکەم پەخشی تەلەفزیۆنی دەوڵەتیان ئەنجامدا. لە کاتژمێر ٤ی ئێوارە تا ٥ی بەیانی قەدەغەی هاتووچۆ لە شارەکە ڕاگەیەندرا. ڕاگەیەندرا کە سەرۆکی هەتەشە، ئەبو محەمەد ئەل جولانی، گەیشتووەتە دیمەشق.

هێزەکانی سەر بە هەتەشە هێرشیان کردە سەر باڵیۆزخانەی ئیتاڵیا لە شارەکە و چوونە ناو باڵیۆزخانەکە و دەستیان بەسەر ٣ ئۆتۆمبێلدا گرت. بەرپرسانی ئیتاڵی ڕایگەیاند، لە هێرشەکەدا هیچ زیانێک بە کارمەندانی باڵیۆزخانەکە نەگەیشتووە.

 چەندین ئەندامی هەتەشە لە گۆڕەپانی ئومەوی کۆبوونەوە و بە یاری ئاگرین ئاهەنگی هاتنە ناو دیمەشقیان گێڕا. گرووپەکان بە ئاڵای نوێی سوریاوە ئاهەنگیان گێڕا.

دەگوترێت ماڵی بەشار ئەسەد لە شارەکە تاڵان کراوە. کاتێک هەتەشە دەربارەی وەستاندنی تاڵان لێدوان دەدات، لە چەندین ناوچەی دیمەشق دامەزراوەکانی دەوڵەت تاڵان دەکرێن.

هەروەها لە سنوورەکانی باشووری وڵاتدا پێشهاتی جددی ڕوودەدات. کاتێک جموجۆڵی سەربازانی ئیسرائیل لە بەرزاییەکانی جۆلان سەخت بوو، سەرۆک وەزیرانی ئیسرائیل بنیامین ناتانیاهۆ فەرمانی بەدەستهێنانی ناوچەی ئارامی دەرکرد. سەرۆک وەزیرانی ئیسرائیل ڕایگەیاند کە فەرمانی بە سوپای وڵاتەکەی کردووە کە هەرێمی ئارام کە لە ژێر کۆنترۆڵی نەتەوە یەکگرتووەکاندایە لە نێوان بەرزاییەکانی جۆلان کە لە ژێر کۆنترۆڵی ئیسرائیل و ژێر دەسەڵاتی سوریادایە، "بەدەست بهێنن". بنیامین ناتانیاهۆ ڕایگەیاند، ڕێککەوتنی جیابوونەوە کە لە ساڵی ١٩٧٤ لەگەڵ سوریا واژۆکرابوو، "هەڵوەشاوەتەوە" و هەر بۆیە "دوێنێ سوپاکەی ڕاسپارد کە دەست بەسەر ناوچەی ئارام و بنکە فەرماندەییەکانی دەوروبەریدا بگرێت". ناتانیاهۆ گوتی: "ڕێگە نادەین هیچ هێزێکی دوژمن لەسەر سنوورەکەمان نیشتەجێ بێت".

لەم نێوەندەدا ڕاگەیەندرا کە سوپای ئیسرائیل هێرشی کردووەتە سەر فڕۆکەخانە و دامەزراوە سەربازییەکانی مەزاح و قاسون. لازقیە، تەرتوس و دەوروبەریان کە دانیشتوانی عەلەوی بە شێوەیەکی سەرەکی تێیدا دەژین، کەوتنە ژێر کۆنترۆڵی هەتەشە و گروپەکانی سەر بە هەتەشە. لە ناوچەی جەبلا کە هەندێک هێزی سەر بە ئەسەد و بارەگای ڕووسیای لێیە، هێشتا نەکەوتوونەتە ژێردەستی هەتەشە. ڕاگەیەندرا ئەو فڕۆکە بارهەڵگرانەی شەوی شەممە لە سەربازگەی ڕووسیا دانرابوون و پاشنیوەڕۆی ڕۆژی یەکشەممە فڕیون.