هاوسەرۆکی مەسەدە: رووسیا دەیەوێت عەین عیسا رادەستی حکومەتی سوریا بکات
ئەمینە عومەر هاوسەرۆکی مەسەدە رایگەیاند، رووسیا فشاری لەسەر قەسەدە دروست کردووە کە عەین عیسا رادەستی حکومەتی سوریا بکات.
ئەمینە عومەر هاوسەرۆکی مەسەدە رایگەیاند، رووسیا فشاری لەسەر قەسەدە دروست کردووە کە عەین عیسا رادەستی حکومەتی سوریا بکات.
هێرشی سوپای داگیرکەری تورک و چەتەکانی بۆ سەر عەین عیسا بەردەوامە. دەوڵەتی داگیرکەری تورک لەم دواییانەدا فڕۆکەی چاودێری و شەڕ بەکاردەهێنێت.
ئەمینە عومەر هاوسەرۆکی ئەنجومەنی سوریای دیموکراتی (مەسەدە) لەبارەی هێرشەکانەوە بۆ ئاژانسی هەواڵی هاوار (هاوارنیوز) قسەی کرد و ئاماژەی بەوەدا، دەوڵەتی داگیرکەری تورک هەوڵ دەدات بە هێرشەکانی، هەرێمی نوێ لە باکور و رۆژهەڵاتی سوریا داگیر بکات.
ئەمینە عومەر وتی، "دەوڵەتی تورک دەیەوێت ئاسایشی هەرێمەکە تێک بدات و رێگای ستراتیژی ئێم٤ و باکور و رۆژهەڵاتی سوریا لەتەک داببڕێت."
'رووسیا بەرپرسیاری خۆی جێبەجێ ناکات'
ئەمینە عومەر باسی ئەوەشی کرد کە رووسیا لە هێرشەکانی عەین عیسا بەرپرسیارە و وتی، "بەرپرسیاری پاراستنی عەین عیسا لە هێرشەکانی دەوڵەتی تورک، لە ئەستوی رووسیایە.
هاوسەرۆکی مەسەدە لە کۆتایی قسەکانیدا وتی، "رووسیا بەرپرسیاری خۆی جێبەجێ ناکات و رێگا لە هێرشەکانی دەوڵەتی تورک ناگرێت. روسیا فشار لەسەر قەسەدە دروست دەکات کە عەین عیسا رادەستی حکومەتی سوریا بکات."
ف.ق