ئەنجومەنی بنەماڵەی شەهیدانی حەسەکە و ئەنجومەنی بنەماڵەی شەهیدانی سەرێکانی بە ئامادەبوونی سەدان کەس لە بنەماڵەی شەهیدان لە هۆڵی ڕشۆی شاری حەسەکە مەراسیمێکی یادکردنەوەی بۆ ٤٨١ شەهیدی مانگەکانی ئەیلول، تشرینی یەکەم و تشرینی دووەم سازکرد.

لە مەراسیمەکەدا بەشار کۆش ئەندامی ئەنجومەنی بنەماڵەی شەهیدانی شاری حەسەکە خێرهاتنی ئامادەبووانی کرد  و یادی شەهیدانی کردەوە وتی: "شەهیدان بۆ پاراستنی خاک و وڵاتەکەیان گیانیان بەختکرد. لە سایەی تێکۆشانی شەهیدانەوە هەرێمەکە لە ئارامیدایە."

'بەڵێنمان پاراستنی دەستکەوتی شەهیدانە'

دواتر دێرسیم حەسەکە ئەندامی ئەنجومەنی سەربازی حەسەکە قسەیکرد، لەسەرەتادا یادی شەهیدانی کردەوە  و سەرەخۆشی لە کەسوکاری شەهیدان کرد و وتی: "وەک قەسەدە بەڵێنمان دووپاتەکەینەوە لەسەر ڕێگەی شەهیدانمان بەردەوام دەبین و دەستەکەوتەکانمان دەپارێزین."

دواتر بە سینەڤیزیونێک وێنەی ٤٨١ شەهید پیشاندرا و یادکردنەوەکە بە دروشمی 'شەهید نامرێ' کۆتایهات.