لە چوارچێوەی چالاکییەکانی ٢٥ی تشرینی دووەم رۆژی جیهانی بەرەنگاربوونەوەی توندوتیژی دژی ژنان بە پێشەنگایەتی کۆنگرەی ستار لە ناوەندی کولتور و هونەری باقی خدۆ لە کۆبانێ کۆبوونەوەیەک سازکرا.

کۆبوونەوەکە، کە بە بەشداری دەیان ژن و پیاو بەڕێوەچوو، لە دوو بەش پێکهاتبوو. لە تەوەری یەکەمدا رۆڵی ژنان  لەناو کۆمەڵگە و دەسەڵات و بابەتی دووەمیش رۆڵی پیاو و ژن لە رووی سیاسی و وشیارییەوەبوو.

کۆبوونەوەکە لەلایەن هاوسەرۆکی ئەنجومەنی بەڕێوەبەریی پەیەدە لە کانتۆنی فورات بۆزان خەلیل و مامۆستای زانکۆی کۆبانێ فریاز بەرکەلەوە بەڕێوەبرا.

فریاز بەرکەل لەبارەی رۆڵی ژنانەوە لە کۆمەڵگە و مێژووی ٢٥ی تشرینی دووەم هەڵسەنگاندنی خستەڕوو. هاوکات باسی لە بەرخودانی ژن لە ناو شۆڕشی رۆژئاوا و لە دژی داعش کرد.

لە بەشی دووەمدا هاوسەرۆکی ئەنجومەنی بەڕێوەبەری پەیەدە لە کانتۆنی فورات بۆزان خەلیل باسی لە هۆشمەندی پیاوسالاری کرد و وتی، "پیاوان دوو جار کۆیلەن. کۆیلەی دەوڵەت و کۆیلەی کۆمەڵگە. بەڵام ژنان ئەو هێزی کۆیلەدارییەیان شکاندووە".

لە کۆتایی کۆبوونەوەکەدا ناوەندی کولتور و هونەری باقی خدۆ شانۆیەکی پێشکەش کرد.

کۆبوونەوەکە بە دروسمی 'ژن، ژیان، ئازادی' کۆتاییهات.