ئەنجوومەنی بنەماڵەی شەهیدانی شاری شەدادی لە کانتۆنی جەزیرە بۆ شەڕڤانی قەسەدە بەشار (محەمەد حەمەد سەلال) کە ٣ ی شوبات لە دەیرەزۆر شەهیدبوو، مەراسیمی بەخاکسپاردنی ئەنجامدا؛ هەروەها بۆ شەڕڤانی قەسەدە حوسێن (محەمەد عگلە ئەل ئیبراهیم) کە ١٥ ی کانوونی دووەم لە بەرخۆدانی بەنداوی تشرین شەهیدبوو، مەراسیمی غیابی ئەنجامدا.

مەراسیمەکە لە گۆڕستانی شەهیدانی شەدادی بە ئامادەبوونی جەماوەرێکی زۆر بەڕێوەچوو.

پاش خولەکێک ڕێزگرتن و نمایشی سەربازیی شەڕڤانانی قەسەدە، ئەندامی ئەنجوومەنی بنەماڵەی شەهیدانی شەدادی، ئەحمەد ئەل عەواد تیشکی خستەسەر فیداکاریی شەهیدان و گوتی: "ئەم شەهیدانە بۆ پاراستنی شکۆی گەلەکەیان گیانیان فیدا کرد".

عەواد بەڵێنی دووپاتکردەوە بۆ درێژەدان بە ڕێگەی شەهیدان.

لە فەرماندەکانی ئەنجوومەنی سەربازیی شەدادی، شیار شەدادی سەرەخۆشی لە بنەماڵەی شەهیدان کرد و ڕایگەیاند شەهیدان بۆ ئازادی و ئاسایشی گەلەکەیان تێکۆشان و شەهیدبوون.

پاشان ناسنامەی شەهیدان خوێنرایەوە و ڕادەستی بنەماڵەکانیان کرا. تەرمی شەهید بەشار بە درووشم و هەلهەلەی بەخاکسپێردران.