سەربازانی سوپای داگیرکەری تورک لەسەر سنوور لەگەڵ باکووری کوردستان، تەرمی کەسێکیان لەسەر سنووری گوندی کۆڵتەب لە گوندەواری ڕۆژئاوای شاری کۆبانێ فڕێدا.

بەپێی زانیارییەکان، ئەو کەسە لەلایەن سەربازانی تورکەوە کوژراوە و ناسنامەی ئاشکرا نەبووە. دانیشتووانی هەرێمەکە ویستیانە تەرمەکە هەڵبگرنەوە بەڵام سەربازانی داگیرکەری تەقەیان لێ کردوون بۆیە پاشەکشەیان کردووە.

لایەنە پەیوەندیدارەکان لە هەوڵدان بۆ ئاشکراکردنی ناسنامەی هاوڵاتییە کوژراوەکە.