بە پاو هەواڵێوی کۆڵبەر نیوزی شەوەو دووەشەممەی ٢٩و ئایاری ئەنجامو تەقەو هێزەکاو دەوڵەتو ئێرانینە  سنوورو نەوسودێنە ٨ کۆڵبەرێ بریندارێ بیێ.

هەمان شەوە و حەر ڕووەداوێوی تەرو تەقەکەردەینە چا یاگێنە کۆڵبەرێوی تەر بە نامێ نیما ئەڵماسی-یوە خەڵکو سەلاسو باوەجانی بریندار بییەن.

هاموەخت سنورو هەنگەژاڵەو بانەینە ئەنجامو تەقەو هێزەکاو دەوڵەت-ینە، کۆڵبەرێوی گەنج بە نامێ میلادیوە فیشەک وەرو زەنگۆڵێش کەوتەن و بەسەختی بریندار بییەن.

ئانەیچە ئاشکرا کریان، کە چوارشەممەی وەڵین سنوورو قامیشەو مەریوانینە هێزەکاو دەوڵەتو ئێرانی تەقەشا وەنەو ژماریو کۆڵبەرا کەردەن و کۆڵبەرێوی خەڵکو بانەی بە نامێ ساسان محەمەدی ٢٨ ساڵە چند فیشەکێوەش وەرکەوتەن و تا ئیساتێ تواناو جووڵیای دەس و قاچیش نییا.

پەوکای ٢١و نیسانیوە ٢٣ کۆڵبەرێ بریندارێ بیێ و کۆڵبەرێویچ کوشیان.

بە پاو ئامارەکاو تۆڕەو مافەکاو ئینسانو کوردستانی، مانگەو خاکەلێوەینە (٢١و ئاداریوە تا ٢١و نیسانی) پەنج کۆڵبەرێ بە تەقەو هێزەکاو دەوڵەتو ئێرانی کوشیێنێ و پەنج کۆڵبەرێچ بە مردای دڵی، ڕەقبییەیۆ و کەوتیەرەی مەردێنێ و ٤١ کۆڵبەرێچ بریندارێ بیێ، کە ٣١ کەسێشا بە تەقەی ڕاستەوخۆو هێزەکاو دەوڵەتی بییەن.