جە وەرکەوت (ڕۆژهەڵات)و کوردستانی ژەن کوشتەی سات بەسات زیاتەر مەبۆنە و بەشێوازێو تەنها جە یەک هەفتەی ویەردەنە ٥ ژەنی کوشیێنێ.
یەکەم ژەنی جە شارو ئیلامی جەلاو بەنام هەمسەرەکەیشەوە کوشیا. هەر دوێ ڕوێ دماتەر جە شارچەو دەرەشەهرو ئیلامی دیسان ژەنێوە تەرەجەلاو بەنام هامسەرەکەیشەوە کوشیا.
ڕوێ دماتەر جە کرماشان ژەنێوەتەر جەلاو کەسێوی نزیکیشەوە کوشیا. دمابەدمای ئانەیە جە سەقز بەنام هامسەرێو ژەنەکەێش زیندەمزیندە سۆچنا و ژەنێ گیانش جەدەستدان.
ڕوێدماتەر سەردەشت ژەنێوە تەرە، بەوێ هۆرئاوێزنای کۆتاییش بەژیوایش ئاورد.
هاموەت هەر جە هەمان هەفتەنە دەیان ژەنی جە؟شارێ و شارچێ و دەگایەکانو وەرکەوتو کوردستانیەنە ڕووبەڕووێ تونڎوتیژی بیێنێوە و جە ئاکامشەنە چەنڎین ژەنی تەرێ هەوڵو وێ کوشتەیشاندان.
سیستەمی پیاسالاری، یاساکێ کۆمارو ئیسلامی ئێرانی، داب و نەریتو گلێرگەی و دەمارگیری ئایینی دژ بەژەنێ، قەیرانەکێ، هەژاری و نەداری نەبییەی هۆشیاری تاکی و کۆمەڵگەی وەرانوەر بە مافەکێ ژەنێ، هۆکارگەلێوەنێ کە مەبانێ بایسو تونڎوتیژی دژ بە ژەنێ و ژەن کوشتتی یان وێ کوشتەی ژەنێ.