جەنگیز یورەکلی پارێزنەروو ڕابەروو گەلوو کوردی عەبدوڵا ئۆجالانی چەنی وەرپەرساو کۆمیتەو ڕاگێری جە ئەشکەنجەو ئەنجوومەنوو ئەوروپاو (سی پی تی)، ستراسبۆرگنە دیدارێوەشا کەرد. یورەکلی واتش: "جیدییەتوو دۆخەکەی و چەمەڕوانییەکاو وێما پەنەما واتێ."
پارێزنەر جەنگیز یورەکەلی پێوەس بە دۆخوو ڕابەروو گەلوو کوردی عەبدوڵا ئۆجالانی، کە ماوەو ٤٠ مانگان حیچ زانیاریێوەش بارەوە نییەن، چەنی کۆمیتەو ڕاگێریکەردەی جە ئەشکەنجەو ئەنجومەنوو ئەوروپاو (سی پی تی)، ستراسبۆرگنە دیدارشا کەرد.
یورەکلی دماو دیدارەکەی قسێش کەردێ و ئاماژەش دا، کە داواشا وەنەو سی پی تی-ی کەردێنە سەرێ ئیمراڵی بدۆ و ئەرەیاونیای گونجیا و قایلکەر بە ڕای گردینی بدۆ.
پارێزنەر یورەکلی دەربارەو دیدارەکەی واتش: " چەنی سی پی تی دیدارما کەرد. پەی وڵتەر گردوو ڕاپۆرتەکاما دێبێنێ، جارێوی تەر ڕوودایەکاو ئاخریما دەسنیشانێ کەردێوە. بەڵام ی جارە دەرفەتوو ئانەیما پەی گونجیا و ڕووبەڕوو پنەشا بواچمێ.
جیدیەتوو دۆخەکەی و چەمەڕوانیەکاو وێما پەنەما واتێ، ڕاما ورگێرتێ دیێما کە ئینێ چە هەوڵداێوەنە، ئانەما دیاری کەرد کە پێویسا ئا زانیاریاو وەردەسیشا پەنەما بواچا و جیدییەتی و نیگەرانیەکاشا وەڵا بکەراوە.
داواما کەردە زووتەرین وەختەنە بە شاندێوە سەرێ ئیمراڵێ بدا. داواما کەردە چی بابەتەنە پەی ئێمە و ڕای گردینی ئەرەیاونای دروس و قایلکەر وەڵا بکەراوە. ئیساتێنە٤٠ مانگێن هیچ زانیاریێوە ئیمراڵیوە نیا و جارێوی تەر واتما کە ئی دۆخە یاگێ قبوڵکەردەی نیەن. ئادێچێ واتشا کە نیگەرانیەکاو ئێمە چی بابەتینە بە ڕەوا موینا، واتشا کە چی ڕووەوە هەوڵێ مدانە.
