ئێشکگێریی دادپەروەریی ئەمینە شەنیاشارێ، کە وەڵێ ٦ ساڵانە مەنتێقەو پیرسوسو ڕحاینە، هامژیو و دوێ کوڕەکێش ئاکەپەییەکا کوشتێ، ڕۆو ٨٨ەمینە وەردەمو وەزارەتیتو دادینە بەردەوامەنە.

وەردەمو وەزارەتەکەینە لافیتەو "وێشارتەیوە دلێ وەزارەتینە و وستەیرەی بەرەکا، هیچ ئیسفادێوەش نییا. هامژیو و کوڕەکێم خەسەخانەنە کوشیێ. تاکە داواما دادپەروەریین"، ورواسیا.

ئەمینە شەنیاشارە وەردەمو وەزارەتینە واتش: "وەردەمو وەزارەتو دادینە نیشتێنمێرە، بەرەکێما سەر وزیێنێرە گۆشمە پەنە مەدا. ئینە ٦ ساڵێن چێ منیشوورە و ئیتر وەسێن با کوڕەکەیم ئازاد بکەرا، با بلمێوە یانەکەما. ئینە ستەما، ستەمێوی ئاسایی نییا. بنەیۆ و تۆمارەکێ بشاریاوە. ئانێ بنەیانەکەمشا کوشت ئێسە ئینێ بەرۆ، کوڕەکەم ژووری تاکەکەسیینە زیندان کریان".

دماتەر کوڕەکەو ئەمینە شەنیاشارێ، فەرید شەنیاشار لوا پەرلەمان.