لە میتینگەکەدا پشتگیری لە پارتی دیموکراتی گەلان (هەدەپەێ کرا کە چەندین رۆژە دەسەڵاتی فاشیزمی ئاکەپە و مەهەپە لەدژی دەستیان بە ئۆپەراسیۆنی قڕکردنی سیاسی کردووە.

میتینگەکە لەسەر بانگەوازی ستیڤان پریزیئۆسۆ پەرلەمانتاری سویسرا لەسەر لیستی پارتی سۆسیالیست ئەنجامدرا و پەرلەمانتارانی سویسرا، چالاکوانانی کۆمەڵەکانی ئیتاڵیا، فەڕەنسا، سوید و تونس  و چالاکوانانی رێککەوتنی چەپ ئامادە بوون. میتینگەکە لە گۆڕەپانی پلاینپالاس ئەنجامدرا و ئاڵاکانی هەدەپە بەرزکرانەوە.

لەسەر ناوی هەدەپە سیاسەتمەدار دەمیر چەلیک قسەی کرد و هێرشی دەولەتی داگیرکەری تورک بۆ سەر هەدەپە شەرمەزار کرد و ئاماژەی بە دۆزی کۆبانێ  و قڕکردنی ئەرمەنەکاندا کە هەردوو لە یەک رۆژدا بوو و وتی، "لە ساڵەکانی نەوەتەوە دەوڵەتی تورک نوێنەر و ئەندامانی پارتە کوردیەکان دەستگیردەکات و دەیەوێت ئیرادەیان بشکێنێت." هەروەها ئاماژەی بە پشتگیریەکان بۆ هەدەپە و گەلی کورد کرا.

دواتر کارلۆ سۆماروگ پەرلەمانتاری سوید و ژمارەیەک پەرلەمانتاری دیکەی سویسرا و نوێنەرانی رێکخراوەکان قسەیان کرد.

راگەیەنرا، پیویستە حکومەتی سویسرا لە روی دیپلۆماسی و ئابۆریەوە، سزا لەسەر دەوڵەتی تورک بسەپێنێت.

لە لایەکی دیکەوە پێشنیاربڕیارێک لەبارەی فشارەکانی سەر هەدەپە رادەستی پەرلەمانکرا کە ٣٢ پەرلەمانتار ئیمزایان کردبوو.

دواتر پەرلەمانتاران و چالاکوانان وێنەیان گرت و وێنەکانیان بۆ هەدەپە نارد.

ف.ق