ئەنجومەنی گەنجانی پارتی دیموکراتی گەلان (هەدەپە) سەبارەت بە ساڵیادی پیلانگێریی نێونەتەوەیی ١٥ی شوباتی ١٩٩٩ کە لە ئەنجامیدا رێبەری گەلی کورد عەبدوڵا ئۆجالان بەدیل گیرا، لە ناوچەی مەجیدیەکۆی ئیستەنبوڵ بڵاوکراوەیان دابەشکرد و داوایان لە گەل کرد کە بڕژێنە شەقامەکان.

لە بڵاوکراوەکەدا هاتووەکە رێبەری گەلی کورد عەبدوڵا ئۆجالان ١٥ی شوباتی ١٩٩٩ لەلایەن هێزە نێونەتەوەییەکانەوە رادەستی تورکیا کراوە و ئەوەش خراوەتەڕوو کە لە کەسایەتی رێبەری گەلی کورد عەبدوڵا ئۆجالان کە ٢٤ ساڵە لە زیندانی ئیمراڵیدا لە زیندانی تاکەکەسیدایە، گەل لەبەردەم مردندا هێڵدراوەتەوە.

لە بڵاوکراوەتەکەدا هەروەها هاتووە: "تا دەستەبەرکردنی ئازادی جەستەیی رێبەری گەلی کورد عەبدوڵا ئۆجالان ئێمە لە کۆڵان و شەقامەکان و گۆڕەپانەکان دەبین. بانگەوازی ئێمە بۆ گەل ئەوەیە کە بێ پسانەوە چالاکی بکەن".

هـ . ب