مەراڵ دانش بەشتاش سەرۆکی فراکسیۆنی هەدەپە, سەزایی تەمەللی پەرلەمانتاری هەدەپە, دەرویش چیمەن نوێنەری ئەوروپای هەدەپە, لەیلا ئیمرەت هاووتەبێژی نوێنەرایەتی ئەڵمانیا لەنێوان 14 و 16 ی مانگدا لە بەرلین ژمارەیەک سەردانی دیپلۆماسیان ئەنجامدا.

لە سێ رۆژدا شاندی هەدەپە سەردانی پارتی چەپ، پارتی سۆسیال دیموکرات، پارتی سەوز و نوێنەری پەیمانی پێشکەوتوو کرد.

لە سەردانی پارتی چەپدا، هەردوو لایەن رایانگەیاند، خۆشحاڵن لەنێوان پارتی چەپ و هەدەپە هاوکاری هەیە. باسی ئەوەکرا کە هاوکاری و پشتگیریکردنی هەردولا زیاتر دەبێت.

لە سەردانی پارتی سۆسیال دیموکرات دا شاندی هەدەپە رایگەیاند، پێویستە پەیوەندیەکانی تورکیا و ئەڵمانیا لەسەر رەگەزی دیموکراسی بێت.

هەدەپە سەردانی جەم ئوزدەمیر وەزیری کشتکاڵی ئەڵمانیاش کرد کە سەر بە پارتی سەوزە و سەردانی بێریڤان ئایماز پەرلەمانتاری ویلایەتی باشوری ئەڵمانیا کرد. لە سەردانەکاندا دۆخی سیاسی تورکیا و دۆخی کشتوکاڵ قسەیان لەسەرکرا.

ف.ق