لە ناوەندی کۆمەڵگەی دیموکراتیکی کوردی شاری لیگی بەلجیکا بۆ یادکردنەوەی شەهیدانی پاریس رێورەسمێک ئەنجامدرا. لە رێورەسمەکەدا کە بە رێزگرتن لە شەهیدان دەستی پێکرد، یادی ئەڤین گۆیی، عەبدولرەحمان کزل و میر پەروەر شەهیدانی کۆمەڵکوژی ٢٣ی کانونی یەکەمی ٢٠٢٢ کرایەوە و ژماریەکی زۆر کوردستانی و دۆستەکانیان ئامادە بوون.

دواتر رەمزی کارتاڵ هاوسەرۆکی کۆنگرەی گەل قسەی کرد و هێرشی پاریسی شەرمەزار کرد و وتی، " لە کەسایەتی ئەو شەهیدانەدا هێرش لە بەرامبەر هەموو گەلی کورد ئەنجامدراوە. پێویستە گەلی کورد تۆڵە بکاتەوە و بێدەنگ نەبێت. پێویست بە یەکدەنگی و یەکدڵی خاوەنداری لە شەهیدان بکەین.

ئادار گوڵان هاوڕێیەکی ئەڤین گۆیی باسی بەسەرهات، خەبات، ژیان و هاوڕێیەتی شەهید ئەڤین گۆیی کرد و وتی، " هەڤاڵ ئەڤین ئەندامی دەستەی بەڕێوەبەری کەجەکە بوو. هەروەها ژنێکی شۆڕشگێر، پێشەنگ و رەنجدەر بوو. پێویستە ژنانی کورد، شێوەی ژیانی هەڤاڵ ئەڤین و خەباتەکەی بە نمونە وەربگرن.

لەسەر ناوی ئەنجومەنی خانەوادەی شەهیدان دایە سوڵتان قسەی کرد و بانگەوازی هەستیاری بۆ گەل کرد. دایە سوڵتان رایگەیاند کە پێویستە هەموو کەسێک بە دڵ و گیان ئەرکی خۆی جێبەجێ بکات.

دوای قسەکردن، بەڵگە فیلمێک لەبارەی ژیانی شەهیدان نمایشکرا . رێورەسمەکە بە وتنەوەی دروشمی ' شەهید نامرن'، ' بژی سەرۆک ئاپۆ' و ' ژن، ژیان، ئازادی' کۆتایی هات.

ف.ق