لە شاری فرانکفۆرتی ئەڵمانیا بەبۆنەی شەوی پشتیوانی یەنی ئۆزگور پۆلەتیکا ئاهەنگێک ئەنجامدرا. پاش خولەکێک ڕێزگرتن لە شەهیدان، ڕۆژنامەنووس گوڵستان ئیکە چالاکییەکەی بەڕێوەبرد و هاوسەرۆکی پارتی هەرێمە دیموکراتیکەکان (دەبەپە) چیدەم کلچگون ئوچار وەک قسەکەر و هونەرمەندان بەسەر شاهین و چار نەوا و ئەردەم پەنجەرجی بەشداربوون.

لەسەر ناوی یەنی ئۆزگور پۆلەتیکا ڕۆژنامەنووس مۆردەم عەلیشەر ئۆزگور قسەی کرد.

پاشان هاوسەرۆکی پارتی هەرێمە دیموکراتیکەکان (دەبەپە) چیدەم کلچگون ئوچار ڕایگەیاند خەباتکارانی ئەم ڕۆژنامەیە سەرباری ناڕەحەتی و زەحمەتییەکان ساڵانێکە ڕاستی دەگەیەنن و ئێمەش خاوەنداریان لێ دەکەین.

چیدەم کلیچگون ئوچار تیشکی خستەسەر هەڵمەتی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" و گوتی: "ئیدی فیکری ڕێبەری گەلی کورد عەبدوڵا ئۆجالان لە هەموو جیهان تاوتوێ دەکرێت. ئەمڕۆ گرنگترین شت ئەوەیە، لەدەوری بەڕێز عەبدوڵا ئۆجالان یەکبگرین و کە خاوەنی فیکر و گوتارە دەربارەی ڕەوشی خراپی ڕۆژهەڵاتی ناوین. ئەگەر فیکری ئەو لە ژیاندا پیادە بکرێت، ئێستە لە ڕەوشێکی تر دەبووین و باسی شتێکی ترمان دەکرد".

ئوچار دەربارەی مژاری "پرۆسەی نوێ" قسەی کرد، گوتی: "با کەس ڕێگە بە گەلی کورد و ڕێبەری گەلی کورد عەبدوڵا ئۆجالان نیشان نەدات، ئێمە ئاشتییەکی بەشکۆمان دەوێت، ئیرادەی چارەسەری دیموکراتیک و پێکەوەژیانمان دەوێت. ئەو دانوستانەی بەڕێز عەبدوڵا ئۆجالانی تێدا نەبێت، ناگاتە هیچ ئەنجامێکی ئەرێنی".

ئوچار تیشکی خستەسەر گرنگی چاپەمەنی ئازاد و ڕایگەیاند بۆ بەردەوامیدان بەم نەریتە پێویستە هەموو هەوڵێک بدرێت.

چالاکییەکە بە ڕێزلێنان لە چەند ناوێکی سیمبولیکی چاپەمەنی ئازاد لە تاراوگە و گۆرانی هونەرمەندان بەردەوام بوو.